Page 33 - SHL 510

Theme 2

2.3 Go bala le go bogela
Notes

Mo temaneng ye re hlaloša tlhabollo ya tshepetšo le mabokgoni a go
bala le go bogela, eupša re tla lebiša tlhokomelo gape go tlhabollo
ya mabokgoni a go bala ao a tšwelelago go baithuti ba baswa ka go
thuto wa Leleme la Gae 620. Go bala ke mogato o mafolofolo wa go
aga seo se bolelwago ke mantšu. Go bala go nyaka gore motho a
hlaole le go kwešiša dipolelwana ka tsela ya go thelela. Ke
tshepedišo e tseneletšego yeo e akaretšago go kwešiša, go lemoga
mantšu, go tšea karolo le go bolela ka thelelo. Nakong ya mogato
wo, babadi ba diriša mekgwa ya go kwešiša seo ba se balago, ba
diriša dihlogo go rulaganya dikgopolo le go diriša ditšhupetšo tša
mongwalo go hwetša seo se bolelwago ke mantšu a maswa. Babadi
ba diriša seo ba ithutilego sona pele gore ba kwešiše seo se
balwago. Ka gona go bala go ka hlaloswa e le tshepedišo ya go
lemoga yeo e akaretšago go hlatholla maswao bakeng sa go bopa
seo se bolelwago ke seo se balwago. Morero o mogolo wa go bala
ke go kwešiša taba yeo e ngwadilwego. Go bala ka morero go thuša
mmadi go lebiša molaetša go ya phihlelelong le go tsepamiša
tlhokomelo ya gagwe.

Go bala le go bogela go bohlokwa bakeng sa go ithuta ka katlego go
kgabaganya mananeo a thuto, gotee le go kgatha tema ka botlalo
setšhabeng le lefaseng la mošomo. Barutwana ba hlabolla bokgoni
bja go bala le go bogela ka go diriša mehutahuta ya mongwalo wa
bokgabo le yo e sego wa bokgabo, go akaretša mongwalo wa go
bopja ka mahlo. Barutwana ba lemoga kamoo mohuta le kgatišo di
bonagatšago morero, batheeletši le maemo a dingwalwa. Kwešišo le
tlhathollo ya diteng tše di ngwadilwego le tše di bopjago di laolwa ke
tsebo ya barutwana ya dibopego tša polelo, ditlwaelo le diphihlelo
tša bona tša bophelo. Dibopego tša polelo di thuša barutwana go
kwešiša tsela yeo mengwalo e rulagantšwego ka yona. Barutwana
ba swanetše go diriša mekgwa ya pele ga go bala, go bala le ka
morago ga go bala seo se tlogo ba thušago go kwešiša le go E
hlatholla mengwalo ya go fapafapana ka go diriša bokgoni bja go
swana le go akanya, go hlatholla le go sekaseka. Barutwana ba D
swanetše go diriša gape le mekgwa ya pele ga go bala e bjalo ka go U
phetla le go bala diteng tša mengwalo, dikarolo tša puku le © Copyright reserved
sebopego sa dirapa/mengwalo le go ithuta ka moo di tlaleletšago go T Sepedi Home Language

EL
Go Bala Le Go Bogela
33