Page 37 - SHL 510
P. 37
Theme 2
Nyaka dikarolwana ka lentšung: Nyaka dikarolwana tša ditlhaka
tšeo o di tlwaetšego. E ka ba medumo/diswantšhetšo, dihlogwana Notes
tša mathomo, dihlogwana tša mafelelo, mafelo, mantšu ka moka
goba mantšu a motheo. Bala karolo e nngwe le e nngwe ka boyona.
Ke moka tswakanya diripana tšeo gomme o bolele lentšu leo. Na
lentšu le le a kwagala mo temaneng?
Kopanya le lentšu leo o le tsebago: Nagana ka lentšu leo le
swanago le lentšu leo o sa le tsebego. Bapiša lentšu leo o le
tlwaetšego le leo o sa le tlwaelago. Dira sephetho ya ge e ba lentšu
leo le tlwaelegilego e le karolo goba sebopego sa lentšu leo le sa
tlwaelegago. Diriša lentšu leo le tsebjago polelong go bona ge e ba
le kwagala. Ge e ba go le bjalo, seo se bolelwago ke mantšu a a
mabedi se batametše ka mo go lekanego go ka kwešišwa (readinga-
z.com).
2.3.2 Tlhaloso ya dingwalwa tša pono
Bokgoni bja go bona ka mahlo ke karolo e bohlokwa ya go ithuta,
gomme Inthanete ke mothopo o humilego wa tsebišo. Hlahloba
kamoo sebopego se lego bohlokwa ka gona Wepesaeteng e
tumilego; kamoo babegi ba dipapatšo ba hwetšago tlhokomelo ka
gona; kamoo mosepelo le mmala di kgathago tema e kgolo ka gona
go tutuetšeng modiriši go ya diwepesaeteng tše dingwe.
a) Dintlha tše bohlokwa tšeo di swanetšego go lebelelwa le
go hlathollwa di akaretša tše di latelago:
Taba e dikologilego, goba tikologo yeo go yona mongwalo o
arabetšwego goba o bopilwego, ke selo sa bohlokwa seo se
swanetšego go elwa hloko dikgato tša mathomo tša go hlahloba
seswantšho goba mongwalo wa ponagatšo. Go bohlokwa go thoma
ka go hlahloba seswantšho ka moka.
Dipotšišo tše dingwe di fa tsela ya go thoma poledišano ye. Bakeng
sa potšišo e nngwe le e nngwe, kgopela barutwana go oketša E
dikarabo tša bona ka go hlalosa mabaka a gore ke ka baka la eng, D
gomme o ba kgothaletše go diriša bohlatse bjo bo tšwago
seswantšhong go lokafatša dikarabo tša bona. Ka dipoledišano tše, U © Copyright reserved
ditlhathollo tše di fapanego tša seswantšho di ka tšwelela tšeo di T
bopago motheo wa poledišano le nyakišišo e oketšegilego. EL Sepedi Home Language
Go Bala Le Go Bogela
37
