Page 34 - SHL 510

Theme 2

tlhalošo. Mantšu a mabotse a tla hwetšwa ka go bala mangwalo a
Notes
fapafapanego (Lefapha la Thuto ya Motheo, 2011).

Go bala le go bogela go diriša tshepedišo ya go bala le go bogela le
maano ao a dirišwago go kwešiša le go leboga bobedi ba mongwalo
wa bokgabo le yo e sego wa bokgabo. Bokgoni bja go bala bo rutwa
dikolong tša go latela tshepetšo ya go bala.
(https://study.com/academy/lesson/what-is-reading- definition-
process.html.)

2.3.1 Tshepedišo ya go bala

Thuto ya go bala ka tlwaelo e akaretša go šoma ka dikarolo tša
tshepedišo ya go bala. Se ke modiro wa dikgato tše tharo wo o
hlahlago maano a go bala ao a ikemetšego bakeng sa go hlatholla
le go kwešiša mengwalo. Ga se ka mehla moo re tlago go latela
megato ka moka ya tshepedišo. Mohlala, ge e ba barutwana ba bala
mohuta wa mongwalo o sa tlwaelegago goba mohuta wa
sengwalwa, ba tla swanelwa ke go dira modiro wa pele ga go bala
wo o ba lemošago ka dika tša ka godimo tša mohuta wo wa
sengwalwa le go ba thuša go dira dikgokagano le boitemogelo bja
bona ka noši. Mediro ya go bala e tla ba thuša go sekaseka
sebopego sa yona le dika tša polelo ka mo go tseneletšego.

Pele ga go bala go tsebiša barutwana ka sengwalwa. Go dira gore
go be le dikgokagano le tsebo ya nakong e fetilego. Bokgoni bjo bo
latelago ke bjo bohlokwa nakong ya pele ga go bala:

• Go bala le go sekaseka sengwalwa go akaretša go bala
dihlogo, dihlogwana, dihlogo-hlogwana, ditlhaka, dibopja le
tshedimošo ya go swantšha, mohlala, difonte le dinomoro,
tatelano, diswantšho, diswantšho tša go swantšhetša,
dikerafo, ditšhate, mebapa, dimenu tša go goga, go nyaka ka
mantšu a bohlokwa, bjalobjalo.
EL © Copyright reserved T • Go phetla le go hlahloba dikarolo ka moka tša puku, mohlala,
letlakala la sehlogo, lelokelelo la dikagare, dikgaolo, pukuntšu,
tšhupetšo, kgatišo ya tlaleletšo, dintlha tša ka tlase, bjalo-
Sepedi Home Language 34 U D E Go Bala Le Go Bogela
bjalo.