Page 41 - SHL 510

Theme 2

b) Go Bolelela Pele
Notes
Ge barutwana ba dira dikakanyo (go bolelela pele seo se tlago go
direga) mabapi le taba yeo ba lego kgauswi le go e bala, se se
hloma ditebelelo tšeo di theilwego tsebong ya bona ya pele ka
ditaba tše di swanago. Ge ba dutše ba bala, ba ka fetoša ponelo-
pele ya bona ka monagano ge ba hwetša tsebišo e oketšegilego

1. Go hlaola kgopolo e kgolo le kakaretšo

Go hlaola kgopolo e kgolo le go e akaretša go nyaka gore
barutwana ba tsebe seo se lego bohlokwa gomme ba se bolele ka
mantšu a bona. Seo se akaretšwago tshepedišong ye ke go leka go
kwešiša morero wa mongwadi wa go ngwala lengwalo

2. Go botšiša

Go botšiša le go araba dipotšišo mabapi le taba yeo e ngwadilwego
ke mokgwa o mongwe wo o thušago barutwana go lebiša
tlhokomelo go seo se bolelwago ke taba yeo e ngwadilwego. Barutiši
ba ka thuša ka go bontšha bobedi mokgwa wa go botšiša dipotšišo
tše di nepagetšego le mekgwa ya go hwetša dikarabo sengwalweng

3. Go dira diphetho

Gore ba dire dikakanyo ka selo seo go sego gwa bolelwa ka sona
sengwalweng, barutwana ba swanetše go ithuta go ithekga ka tsebo
ya pele le go lemoga ditšhupetšo ka lengwalong ka bolona.

4. Go Bona ka Leihlo la Kgopolo

Barutwana ba ka diriša diswantšho tšeo di tsentšwego ka
lengwalong goba ba itirela diswantšho tša bona tša monagano goba
diswantšho ge ba bala temana yeo e se nago diswantšho.

5. Mekgwa ya go kwešiša go bala: mongwalo wa kanegelo E

Mongwalo wa kanegelo o anega kanegelo, e ka ba ya therešo goba D
ya boikgopolelo. Go na le maano a mmalwa ao a tlago go thuša U
barutwana go kwešiša sengwalwa sa kanegelo. T © Copyright reserved

EL
Go Bala Le Go Bogela Sepedi Home Language
41