Page 40 - SHL 510

Theme 2

Go kgona go bala ka kwešišo, babadi ba baithuti ba swanetše go
Notes
ithuta go bala ka bokgoni bjo itšego gomme ka morago ba hwetše
tlhahlo ya maleba ya go diriša mekgwa ya go kwešiša go bala.
Ditsibi tša go bala di nagana ka mafolofolo ba bala. Ba diriša
diphihlelo tša bona le tsebo ya lefase, tlotlontšu, sebopego sa polelo
le mekgwa ya go bala go kwešiša taba yeo e ngwadilwego le go
tseba kamoo ba ka e dirišago ka mo go holago ka gona. Ba tseba
ge ba ena le mathata a go kwešiša le gore ke mekgwa efe ya go
nagana yeo ba ka e dirišago go rarolla mathata a ge a tšwelela.

Barutiši ba ka kgatha tema e bohlokwa go thušeng barutwana go
thoma go ithuta bokgoni bja bona bja go kwešiša. Tlhahlo e botse e
ka thuša barutwana go boledišana le ba bangwe, ka molomo le ka
go ngwala, ka seo ba se badilego
(https://www.readingrockets.org/teaching/reading-
basics/comprehension). Go kwešiša taba go thoma gaešita le pele
bana ba ka ithuta go bala, ge motho yo mongwe a ba balela puku ya
diswantšho. Ba theeletša mantšu, ba bona diswantšho ka pukung
gomme ba ka thoma go tswalanya mantšu a letlakaleng le mantšu
ao ba a kwago le dikgopolo tšeo a di emelago. Bakeng sa go ithuta
go kwešiša Gore ba ithute maano a go kwešiša, barutwana ba
nyaka go ekiša, go itlwaetša le go nea dikarabo. Mekgwa e megolo
ya go kwešiša e hlalositšwe ka mo tlase.

a) Go lebelela pele

Ge barutwana ba lebelela temana pele ba bala, ba diriša seo ba
šetšego ba se tseba seo se tlago go ba thuša go kwešiša temana
yeo ba lego kgauswi le go e bala. Go bolela pele ke leano leo
babadi ba le dirišago go gopola seo ba bego ba se tseba pele le go
bea morero wa go bala. E kgothaletša babadi go bala taba e itšego
pele ba e bala, ba nyaka dibopego tše di fapafapanego le tsebišo
yeo e tlago go ba thuša ge ba boa go tlo e bala ka botlalo ka
EL © Copyright reserved T morago. Se se nea motheo bakeng sa tsebišo le ge e le efe e
mpsha yeo ba e balago.

Sepedi Home Language 40 U D E Go Bala Le Go Bogela