Page 55 - SHL 510

Theme 2

5. Se se ra gore ge baithuti ba nyaka go akaretša temana, ba Notes
swanetše go ba le bokgoni bja go kwešiša le go sekaseka
tsebišo.

2.4 Sephetho

Mo thutong ye, re bone gore go bala ke tshepedišo yeo le
akaretšago go lemoga mantšu, e lego seo se agago kwešišo yeo e
tseneletšego. Go bala ke tshepedišo ya go boledišana sengwalwa le
mmadi. Tshepedišo ya go bala e akaretša magato a meraro. La pele
ke kgato ya pele ga go bala, yeo e dumelelago mmadi go diriša
tsebo ya motheo, go hlahloba taba e ngwadilwego le go agamorero
wa go bala.

Kgato ya bobedi e direga nakong ya go bala, ge mmadi a dira
dikakanyo ge a dutše a bala gomme ka morago a kgonthišiša goba
a fetoša dikakano tšeo. Mohlala, puku ya go ngwalela ya dikarolo tše
pedi e dira gore mmadi a kgone go ngwala taba yeo a e badilego ka
lehlakoreng le lengwe gomme ka go le lengwe a ngwale kamoo a
ikwago ka gona.

Kgato ya mafelelo e direga ka morago ga go bala gomme e
dumelela mmadi go anega kanegelo gape, go ahlaahla dikarolo tša
kanegelo, go araba dipotšišo le/goba go e bapiša le lengwalo le
lengwe. Mohlala, barutwana ba ka hlama kakaretšo, moo ba tšeago
kgetho e kgolo gomme ba e fokotša go ya dintlheng tša yona tše
kgolo bakeng sa kwešišo ya go tia.

Go kwešiša go bala go na le dikarolo tše pedi tšeo di feleletšago
tshepedišo. Karolo ya pele ke tsebo ya tlotlontšu. Mmadi o swanetše E
go kgona go kwešiša tlotlontšu yeo e dirišitšwego ke mongwadi. D
Karolo ya bobedi ke go kwešiša taba yeo e ngwadilwego, moo U
mmadi a kopanyago tlotlontšu le mekgwa e fapafapanego gore a T © Copyright reserved
kwešiše taba yeo e ngwadilwego. Go kwešiša, goba tshepedišo ya EL Sepedi Home Language

Go Bala Le Go Bogela
55