Page 16 - SHL 510

Theme 1

bolela ka maleme ka moka ao re a bolelago. Go na le mabaka a
Notes
fapafapanego ao ka ona re swanetšego go ba batheetši ba babotse
le diboledi. Mabaka ao a akaretša a latelago:

• Ka go theeletša batho ba bangwe le ka go kwešiša seo ba se
bolelago, re aga setswalle se se botse. Barutwana ba araba
barutiši bokaone, bao ba naganago gore ba theeletša
dinyakwa tša bona ka kelohloko. Gape go godiša go kwišišo
le tlhompho magareng ga motheetši le seboledi.

• Barutwana bao ba theeletšago le go kwešiša ka phaphošing,
ba tla ithuta gabonolo go feta bao ba sa theetšego.

• Barutiši ba swanetše go theeletša barutwana gore ba kwešiše
dinyakwa tša barutwana.

• Mekgwa e mebotse ya go theeletša e a hola - o kwešiša
gakaone e bile o boloka nako. Go theeletša ka mo go
atlegago go godiša tirišano e le gore go ka tšweletšwa
ditharollo tša mathata gabonolo le go ahla-ahlwa pele di ka
dirišwa.

• Go theeletša gabotse go thuša kwešišong le go nepagalo. Go
fokotša go se kwešišane le diphošo, gomme go thuša gore
baboledišani ba kwišiše dipoledišano gabotse.

Magareng ga mabokgoni a mane a polelo, go lebelela go bonwa e le
bokgoni bjo bohlokwa kudu go ithuteng polelo.

1.3.1 Tshepedišo ya go theeletša

Moetapele yo a atlegago wa ka phapošing ga se feela morutiši yo a
nago le tsebo le bokgoni; efeela yoo e lego motheeletši wa
mmakgonthe. Bokgoni bja go theeletša gabotse bo a nyakega
bakeng sa go aga kwelobohloko le kwešišo le go hlahloba ge e ba
EL © Copyright reserved T barutwana ba kwešiša seo ba se rutwago. Bokgoni bja go theeletša

gape bo thuša go rerišaneng le barutwana le go fediša dikgohlano le
ge e le dife tšeo di ka bago gona ka phapošing ya borutelo.
Sepedi Home Language 16 U D E Go Theeletša Le Go Bolela