Page 20 - SHL 510

Theme 1

maikutlo a seboledi - go ipea boemong bja seboledi le go abelana
Notes
dikgopolo tša sona. Kwelobohloko ga e swane le go kwabohloko - e
akaretša se se fetago go no kwela motho bohloko. Go akaretša
kgokagano yeo e tseneletšego ya maikutlo - go kwešiša pono ya
motho yo mongwe.

Go theeletša ka kwelobohloko ga go akaretše go ahlola goba go nea
keletšo eupša go akaretša go kgothaletša seboledi ka boleta gore se
hlalose maikutlo a sona. Mabokgoni a bjalo ka go hlatholla le go
naganišiša gantši a dirišwa go thuša go phema go se kwešišane.

d) Go theeletša bakeng sa go leboga le go boledišana

Mediro ye ya go theeletša e dirwa bokaone kudu dipoledišanong tša
dihlopha tše dinyenyane, dipoledišanong tšeo di rulagantšwego. Go
bogela dikarolwana tša bidio goba di-DVD le gona go ka thuša
go hlahloba dika tšeo di lokeleditšwego ka mo tlase:

• Botšišang dipotšišo bakeng sa go boloka poledišano.

• Dirišang mokgwa wa go šielana ge le boledišana

• Arabela maemong a poledišano.

• Arabela polelong, boitšhišinyong, go bogeng le polelong ya
mmele.

• Bontšha go kwešiša tswalano magareng ga leleme le setšo ka
go hlompha ditšo tša lefelong leo.

• Arabela go dika tša bokgabo tša sengwalwa sa molomo,
mohlala, morethetho, lebelo, ditlamorago tša modumo,
diswantšho, boitšhišinyo bjo bo sepedišanago le sengwalwa
(www.skillsyouneed.com ).

EL © Copyright reserved T 1.3.3 Mapheko a go theeletša

Bjalo ka barutiši re swanetše go lemoga mapheko a go theeletša ka
phaphošing. O swanetše go lemoga gore barutwana ka moka ka
Sepedi Home Language 20 U D E phapošing ya go ithuta ba hlopha le go hlatholla lentšu le lengwe le

le lengwe ka mokgwa wa bona ka noši wa boitshwaro, ditekanyetšo,

Go Theeletša Le Go Bolela