Page 17 - SHL 510
P. 17
Theme 1
Go theeletša ke tshepedišo ya mahlakore a mabedi: wena, bjalo ka
morutiši, o bolela kudu eupša gape o swanetše go ithuta go Notes
theeletša barutwana; barutwana ba fetša nako e ntši ba go theeditše
gomme le bona ba tla holwa ke bokgoni bjo bo kaonefaditšwego bja
go theeletša. Morutiši le morutwana ka bobedi ba swanetše go ithuta
go hlomphana.
Re fetša nako e ntši kudu re theeditše go feta ge re bolela, re bala le
go ngwala, gomme lege go le bjalo re gopola ga nnyane kudu ka
seo re se kwago. Ka morago ga matšatši a sego kae, mo e ka bago
25% feela ya poledišano e kopana e tla bolokwa. Dinyakišišo di
bontšha gore bokgoni bjo bo kaonafaditšwego bja go theeletša bo ka
ithutwa (https://www.acs.edu.au/info/education/trends-
opinions/listening-skills.aspx). Thuto ya go theeletša gantši e tla
akaretša go šoma ka dikarolo tša tshepedišo ya go theeletša.
Tshepedišo ya go theeletša ke tiro ya dikgato tše tharo yeo e
bopago mekgwa ya go theeletša yeo e ikemetšego bakeng sa go
hlatholla le go kwešiša polelo le dibopego tše dingwe tša modumo.
Ga se magato ka moka a tshepedišo ao e tlago go dirišwa ka dinako
tšohle. Mohlala, ge e ba barutwana ba theeditše tlhaloso yeo e
gatišitšwego ba tla swanelwa ke go dira modiro wa pele ga go
theeletša wo o ba lemošago ka go nyakega ga go theeletša ka
kelohloko le go ba thuša go dira dikgokagano le phihlello ya bona ka
noši. Mediro ya go theeletša e be e tla ba thuša go gopola ditaba ka
botlalo le go hlahloba molaetša. Go theeletša ka morago go ka
akaretša barutwana go arabela go seo ba se kwelego
dipoledišanong.
Mo thutong ye re fa kakaretšo e kopana ya tshepedišo ya go
theeletša, eupša ga re ahlaahle kamoo re ka rutago tshepedišo ya
go theeletša ka gona, ka gobane seo se tla dirwa ka go HL 620.
Tshepedišo ya go theeletša e thoma ka go theeletša pele, e latelwe E
ke tshepedišo ya go theeletša ka boyona gomme ka morago ga moo D
gwa latela tshepedišo ya go theeletša ka morago. Nakong ya
tshepedišo ya go theeletša, bokgoni bjo bo latelago bo a U © Copyright reserved
hlokomelwa: T Sepedi Home Language
EL
17
