Page 25 - SHL 510

Theme 1

1.3.5 Mehuta ya dipolelo
Notes
Go na le mehuta ye mene ya dipolelo, e lego: go tsebiša, go ruta, go
thabiša le go kgodiša (Mckenzie, 2012). Dipolelo tše di rutago di fa
batheetši tsebo ye bohlokwa mabapi le batho, ditiragalo,
ditshepedišo le mafelo. Dipolelo tša go ruta di ruta batheeletši ka
selo se itšego. Seboledi se ka bontšha kamoo selo se itšego se ka
dirwago ka gona. Polelo e kgodišago e mabapi le go kgodiša batho
gore ba fetoše menagano ya bona, kamoo ba naganago ka gona le
go dira selo se itšego. Ge e le mabapi le dipolelo tše di thabišago,
seboledi se tsenya metlae le lethabo go dira gore batheeletši ba
sege.

Zemanski (2010) o šišinya gore go ba le sebete polelong seboledi se
swanetše go lokišetša seo se nyakago go se bolela le go itlwaetša
go se bolela gantši ka mo go ka kgonegago, se swantšhe kamoo se
ikholofelago ka gona ge se bolela. Kgopolo ke go itlwaetša polelo ka
go e bala ka go latelana e sego lentšu ka lentšu. Bontši bja diboledi
tšeo di tšhogilego, di na le tshekamelo ya go bolela ka lebelo kudu.
E le gore seboledi se bonagale se ena le kholofelo, se swanetše go
bolela ka go nanya, se heme ka mo go tseneletšego e le gore se
iketle. Go e na le go lebiša tlhokomelo go yena feela, seboledi se
swanetše go lebiša tlhokomelo le go kgokagana le batheetši ka go
ba lebelela ka mahlong.

Seboledi se swanetše go diriša polelo e bonolo e le gore se se ke sa
raraganya ditaba ka mo go feteletšego. Gore seboledi se bonale se
itshepha, se swanetše go dula se eme gabotse mmeleng, se apare
ka tsela e hlomphegago gomme se myemyele kudu ka mo go ka
kgonegago ka gona. O se ke wa diriša dipolelwana tša go tlatša tše
bjalo ka "um, uh, gabotse le tše dingwe". Go bolela ka lentšu la
tlasana go utolla kamoo seboledi se ikwago ka gona. Go feta moo,
gore seboledi se bonagale se itshepha kudu, se swanetše go
bontšha goitlhompha ka tsela ya mmele, mohlala, ka go diriša diatla E
tša sona ge se bolela. D

Seboledi se swanetše go diriša metlae polelong ya sona go tanya U © Copyright reserved
tlhokomelo ya batheeletši ka ge se se thuša batheeletši go T Sepedi Home Language

EL
Go Theeletša Le Go Bolela
25