Page 22 - SHL 510

Theme 1

• Mathata a polelo
Notes

Diphapuši tše dintši lehono di ka ba le barutwana bao ba tšwago
ditlogong tšeo e sego tša Sepedi bao leleme la gabo bona e sego
Sepedi. Barutwana ba bangwe ka gona ba ka hwetša go le thata go
kwešiša dibopego tša go ithuta, eupša barutiši ba swanetše go leka
go fetša nako ya boleng le yo mongwe le yo mongwe wa barutwana
ba, gore ba kgone go hloma kgokagano ye botse le go fihlelela
kwešišo ye kaone ya dinyakwa tša bona tša motho ka noši.

• Boemo bja kgopolo, segalo sa lentšu le mantšu

Segalo sa gago sa lentšu se na le matla ka gobane ke seo o lego
sona bjalo ka motho. Barutwana ba gago ba arabela gabotse kudu
mantšung le dipolelong tšeo di ba dirago gore ba ikwe ba thabile. Ke
ka gobane segalo sa gago sa lentšu se akaretša mantšu a gago.
Segalo sa lentšu la gago se lebiša tlhokomelo tseleng yeo o
bolelago ka yona le kamoo mantšu a gago a amago batho ka moka
bao ba go dikologilego. Nagana ka segalo sa lentšu la gago e le
"seka sa segalo sa lentšu" seo se hlaolago seo o lego sona.

Ka mabaka a mangwe go tsepamiša kgopolo ga barutwana go ka
fokotšega. Go na le mabaka a fapa-fapanego bakeng leo: ba ka ba
ba swerwe ke tlala, ba nyorilwe, ba lapile, ba tshwenywa ke lešata,
go tonya goba phišo goba ba ka ba ba šitišwa ke ditaba tša motho
ka noši. Maemo a bjalo a ka lebiša go lahlegelweng ke matla a go
tsepamiša kgopolo. Ka tlase ga maemo a, barutiši ba ka swanelwa
ke go hlahloba leswa lenaneo la bona la go ithuta gomme ba
akaretše boithobollo, dipapadi tša sehlopha goba mediro e mengwe
ya phetogo yeo e hlametšwego go boloka maemo a tutuetšo ya
moithuti gore a be boemong bjo bo amogelegago.

Ditemaneng tšeo di latelago re tla lebiša tlhokomelo bokgoning bja
bohlokwa bja go bolela.
EL © Copyright reserved T

Sepedi Home Language 22 U D E Go Theeletša Le Go Bolela